D Chapels Royal (ängl. [ˈtʃæpɘlz ˈɹɔɪɘl] „kööniglichi Kapälle“) si zwäi Kapälle im St. James’s Palace z London: Die äigentligi Chapel Royal und d Queen's Chapel. Zur Chapel Royal ghöört au dr kööniglichi Choor, wo bi Gottesdienst in de Chapels Royal und bi köönigliche Festakt ufdritt.
Ursprünglig het dr Begriff nume äi Däil vom Hofstaat vo dr Britische Monarchii bezäichnet. D Chapel Royal het Gäistligi, Muusiker und Sänger umfasst, wo zueständig gsi si für s Duurefüere vo de religiööse Akt am Hoof vom Monarch. Im Lauf vo de Joorhundert isch dr Begriff Chapel Royal denn au für d Geböid brucht worde, wo die jewiilige Herrscher as Kapälle oder Gebätsruum brucht häi. Dr Dekan vo dr Chapel Royal wird vo dr Köönigin persönlig ernennt. Sit 1995 isch s dr Bischof vo London Richard Chartres.
© MMXXIII Rich X Search. We shall prevail. All rights reserved. Rich X Search